იაპონური მეთოდიკით JNCAP ჩატარებული ქრაშ-ტესტების შედეგად Subaru Forester-მა მძღოლისა და მგზავრების უსაფრთხოებისთვის ექვსი ვარსკვლავი მიიღო. პროგრესული კონსტრუქციის ძალოვანი კარკასი, რომელიც ეფექტურად შთანთქავს დარტყმის ენერგიას და ამით უზრუნველყოფს მძღოლისა და მგზავრების საიმედო დაცვას Forester -ის წარმატების საწინდარი გახდა.
Subaru-ს კონსტრუქტორებმა ასევე ეფექტურად გადაჭრეს SUV -ის კლასის ავტომობილების ისეთი სახასიათო პრობლემა, როგორიცაა ფეხით მოსიარულეთა დაცვა. კაპოტისა და წინა ბამპერის სპეციალური კონსტრუქცია დარტყმის ძალას აქვეითებს, რითაც შეჯახებისას ფეხით მოსიარულეთათვის მიყენებული ტრავმების სირთულეს ამცირებს. სწორედ ამის გამო Forester –მა ფეხით მოსიარულეთა დაცვისთვის ექვსი შესაძლებლიდან ხუთი ვარსკვლავის აღება შეძლო.
Subaru –ს ავტომობილები ზედიზედ მეორე წელია JNCAP–ს ტესტებში მაღალ შეფასებებს იღებენ. JNCAP–ს მეთოდიკით ქრაშ-ტესტებს ატარებს იაპონიის საავტომობილო უსაფრთხოებისა და ავტოსაგზაო შემთხვევების მსხვერპლთა დაცვის ნაციონალური ორგანიზაცია (NASVA), რომელიც საგზაო უსაფრთხოების კვლევის დარგში ქვეყნის უმსხვილესი ცენტრია.
