|
2008 წლის 31 ოქტომბერს Subaru-ს ამერიკულმა ქვეგანყოფილებამ წარმოადგინა კონცეფტი ფორესტერ XTI, რომელიც გამოფენაზე Specialty Equipment Manufacturers Association (SEMA) 2008 იქნება დემონსტრირებული. ამერიკაში პოპულარული ღონისძიება, რომელზეც წარმოდგენილია სერიული ავტომობილების აქსესუარები და გაუმჯობესების შესაძლებლობები გაიმართება ლას-ვეგასში 4-7 ნოემბერს,
გამოფენილ კონცეპტში შერწყმულია კროსოვერის Forester 2.5 XT პრაქტიკულობა და რალისთვის შექმნილი Impreza WRX STI-ის სავალი მახასიათებლები. 100კმ/სთ სიჩქარეს Forester XTI ავითარებს დაახლოებით 5 წამში
ამ მოდელის გარე ხედი გაუმჯობესებულია ახალი წინა ბამპერისა და რადიატორის სპორტული ბადის დახმარებით ამერიკული გაუმჯობესებული ნაწილების კატალოგიდან Subaru Genuine Accessory,
გვერდითი და უკანა ექსტერიერის ნაწილები და სახურავის სპოილერი იაპონურია
ამერიკელი სპეციალისტების მიერ დაპროექტებული და შექმნილი Subaru-ს კროსოვერი აღჭურვილია Impreza WRX STI -ს 2,5 ლიტრის მიცულობის ძრავით. Forester XTI -ზე დაყენებულია ასევე ნამწვი აირების გამოყოფის ფოლადის სისტემა cat-back, Subaru Performance Tuning კატალოგიდან, რისი წყალობითაც მაქსიმალური სიმძლავრე გაიზარდა 309 დან 319 ცხენის ძალამდე, ხოლო მაქსიმალური ბრუნვის მომენტი 393ნმ დან 406ნმ-მდე. გადაცემათა კოლოფი 6 საფეხურიანი მექანიკაა. DCCD ცენტრალური დიფერენციალი (წევის ძალის განაწილების კოეფიციენტის სენსორული მაჩვენებლით) საფირმოა, ანუ სრული სიმეტრიული.
18 დუიმიანი Impreza s204 –ს სხმული დისკები აღჭურვილია Yokohama Advan Neova 255/40 R18 საბურავებით. Forester XTI -მ რეგულირებადი დაკიდება STI –სგან მიიღო, Brembo სამუხრუჭე მექანიზმი WRX STI –ს საბაზო მოდელისგან, ასევე სპoრტული ბლოკირების საწინააღმდეგო სისტემა Super Sport ABS და სამუხრუჭე ძალისხმევის განაწილების სისტემა. კროსოვერის სავარძლები გადაკრულია ტყავის და ალკანტარის კომბინაციით. მოწყობილობების დამატებითი პანელი, წინა პანელი, ცენტრალური კონსოლი და საჭე გაწყობილია ტყავით.
გამოფენაზე ასევე წარმოდგენილი იყო Subaru Forester , რომელიც შექმნილია სამთო სათხილამურო კურორტებზე მომუშავე სამაშველო სამსახურებისთვის.
| 